1600-A08  Upernaviup iliveqarfittaavata eqqaani najugaqarfik

Upernavik

Najugaqarfiit

Akuttunerusunik pukkitsunik inissialiornerit

Aaliangiunneqarpoq nunaminertaq illunik pukkitsunik akuttusuunik, soorlu ilaqutariinnut ataatsinut illulianut allanut atanngitsunut, sanaartorfittut atorneqassasoq

Nunaminertap annertussusiata 2 ha missiliorpaa

Nutaanik sanaartortoqarsinnaavoq quleriinnik ataatsimik affarmillu portussusilinnik.

Nunaminertaq illunut 30-nut inissaqarpoq, illuliat inaarutaasumik ilusilersorneqarnissaat apeqqutaatillugu. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik

Nunaminertami taamaallaat aqquserniortoqarlunilu allanik pilersitsisoqarsinnaavoq, kommuneplanip pilersaarutaasa ingerlanneqarnissaannik qulakkeerinnissutaasunik

Immikkut aaliangersagartaqanngilaq

Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit.
Nunaminertaq akornusersuuteqarfiunngitsussap iluaniippoq, taamaalillunilu mikkiartortarfimmut qangattarsartarfimmullu ilaalluni. Illuliat sanaartukkallu portunerpaaffissaat aamma aqqusernit portunerpaaffissaat (kipkote), mittarfimmit qanoq unngasissuseqarnerannut, Ilulissallu qeqqanniit sanimorluinnaq titarlugu ungasissusiannut attumassuteqarput.
Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 171,0 meteri aqqusernillu kote 165,0 qaangerlugu pilersitsivigeqqusaanngitsumi.

Nunaminertat sunngiffimmi ataatsimoortarfittut ataatsimoortarfittut imalunniit pinngortitatut attorneqanngitsutut inissisimassapput