Uaniipputit: Saqqaa Illoqarfiit nunaqarfiillu pilersaarutaat Nunaminertanut pilersaarutit Akuerisaq 1700-B01

1700-B01  Umiarsualiveqarfik

Sumiiffik - illoqarfik / nunaqarfik
Qaanaaq

Siunertaq
Inuussutissarsiornermut atorneqartut umiarsualiveqarfiillu

Atorneqarnissaa immikkut ittumik
Sumiiffiit inuussutissarsiornermut atorneqartut umiarsualiveqarfiillu

Atorneqarnissaa
Aaliangiunneqarpoq nunaminertaq inuussutissarsiutinik ingerlataqarnissamik siunertanut, allaffissornerup, sulisitsisup sulliffiutaanut, quersuarnut, assassornermut, iluarsaassisarfinnut, tunisassiornermut, assartuinerullu iluini ingerlatanut atorneqassasoq kiisalu umiarsualiveqarnermi siunertanut, soorlu talittarfinnut sissarsuarnullu, quersuarnut umiarsualivimmilu ingerlatanut allanut assingusunut atorneqassasoq. Imartaa kisarsimaarfittut pituttortarfittulluunniit atorneqarsinnaavoq

Pissutsit atuuttut
Nunaminertap annertussusiata 3 ha missiliorpaa

Sanaartorfik
Nutaanik sanaartortoqarsinnaavoq annerpaamik 12,0 meterinik portussusilinnik
Imertaqarfiit pisariaqartitat immersorneqarsinnaapput. Immersuineq makittarissutut ilusilerlugu naammassissaaq

Inissaq sinneruttoq
Nunaminertaq tamakkerluni sanaartorfigineqareerpoq inissamik sinneruttoqanngilaq

Angallanneq pilersuinerlu
Nunaminertamiit illoqarfimmi nunaminertanut allanut sullissivinnullu, aqqusinernit pioreersut atorlugit attaviliisoqarnissaa, qulakkeerneqassaaq

Eqqissisimatitat allanngutsaaliukkallu
Immikkut aaliangersagartaqanngilaq

Immikkut aalajangersaaffigisat
Nunaminertaq tankeqarfinnut isumannaallisaanermut killigititap iluaniippoq. Isumannaallisaanermut killigititaq tankeqarfiup avammut killinganiit, 50 meterinik radius-eqarpoq. Nunaminertap ilaa tamanna sanaartorfigineqassanngilaq, allatulluunniit isumannaallisaanermut killigititanut aaliangersakkanut akerliusumik, atorneqassanani.
Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit.
Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu tumaajusamik taaneqartartumut ilaalluni, illut sanaartukkallu allat, narsaamanerup narlusuup avasinnersaani killilersutiniit ilorrap tungaanut sivinganerisa, portussutsimikkut qaffasinnerpaaffissaasa (kipkote) assigiinngisitaarfigisaanni.

Immikkut aalajangersakkat
Malingiaasiortoqassaq umiatsiaaqqanut atortulimmik. Sanaartukkat nutaat inissiatut atorneqassanngillat.
Imaassinnaavoq nunaminertami suliffimmik annertuumik mingutsisiviusumik peqartoq. Suliffimmik immikkuullarissumik mingutsitsiffiusumik pilersitsisoqassatillugu avatangiisimut akuersissummik qinnuteqaateqartoqassaaq, Namminersornerullutik Oqartussat nalunaarutaat nr. 11, 20. august 2004-meersoq suliffeqarfiit mingutsitsivallaartut il.il. avatangiisinut tunngatillugu akuersissuteqarfigineqartarnerat pillugu, tunngavigalugu.
Nunaminertami qimmilivinnik pileritsisoqassanngilaq.

Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 23-5-2017