Uaniipputit: Saqqaa Illoqarfiit nunaqarfiillu pilersaarutaat Nunaminertanut pilersaarutit Akuerisaq 1700-E10

1700-E10  Tankeqarfik nutaaq

Sumiiffik - illoqarfik / nunaqarfik
Qaanaaq

Siunertaq
Teknikkimut atortulersuutit attaveqaatillu

Atorneqarnissaa immikkut ittumik
Teknikkimut atortut

Atorneqarnissaa
Aaliangiunneqarpoq nunaminertaq siunertanut teknikkimut tunngasunut atorneqassasoq timmisartullu orsussaannik tankeqarfiliorfissatut

Pissutsit atuuttut
Nunaminertap annertussusiata 0,5 ha missiliorpaa

Sanaartorfik
Nutaanik sanaartortoqarsinnaavoq annerpaamik 11,0 meterinik portussusilinnik, taamaattorli immikkut isigineqassapput napasuliat nakkutilliiviit, timmisartunut eqqussiviit allallu timmisartoqarfimmi teknikkikkut atortulersuutit portunerusunngorlugit sanaartorneqarsinnaammata.

Inissaq sinneruttoq
Immikkut aaliangersagartaqanngilaq

Angallanneq pilersuinerlu
Nunaminertamiit illoqarfimmi nunaminertanut allanut sullissivinnullu, aqqusinernit pioreersut atorlugit attaviliisoqarnissaa, qulakkeerneqassaaq

Eqqissisimatitat allanngutsaaliukkallu
Immikkut aaliangersagartaqanngilaq

Immikkut aalajangersaaffigisat
Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit.
Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu tumaajusamik taaneqartartumut ilaalluni, illut sanaartukkallu allat, narsaamanerup narlusuup avasinnersaani killilersutiniit ilorrap tungaanut sivinganerisa, portussutsimikkut qaffasinnerpaaffissaasa (kipkote) assigiinngisitaarfigisaanni.

Immikkut aalajangersakkat
Imaassinnaavoq nunaminertami suliffimmik annertuumik mingutsisiviusumik peqartoq. Suliffimmik immikkuullarissumik mingutsitsiffiusumik pilersitsisoqassatillugu avatangiisimut akuersissummik qinnuteqaateqartoqassaaq, Namminersornerullutik Oqartussat nalunaarutaat nr. 11, 20. august 2004-meersoq suliffeqarfiit mingutsitsivallaartut il.il. avatangiisinut tunngatillugu akuersissuteqarfigineqartarnerat pillugu, tunngavigalugu.
Tankeqarfiup isumannaallisaanermut killeqarfia kommuneplanip ilassutaatigut aaliangersarneqassaaq.

Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 23-5-2017